89% bæting til hins betra hjá þeim taka 4 vikna námskeið í bakskólanum.

Núna eftir helgi verða laus pláss í bakskólann fyrir þá sem hafa áhuga. Nánari upplýsingar er hægt að sjá á auglýsingunni hér fyrir neðan.

Þess má geta að í bakskólanum í dag er að mestu stuðst við æfingar til að styrkja djúpu kvið og bakvöðva. Ásamt æfingum er farið í létta fræðslu um hvernig vöðvarnir vinna hjá okkur og hvernig hægt er að virkja þá sem best þannig að allir vöðvar líkamans vinni sem ein heild. Eins er farið lítið í líkamsbeitingu og áhrif bakverkja og hvað ber að varast og hvernig maður á að lesa í bakverkina.

Í bakskólanum eru allir látnir fylla út ODI spurningarlista í byrjun meðferðar og aftur í lokinn. Spurningalistinn metur bakverki og áhrif þeirra á daglegt líf. Af þeim sem hafa lokið bakskólanum í dag þá hafa breytingar á ODI spurningalistanum verið bæting um 89% til hins betra.

Bakskólinn byrjar á mánudaginn

Bakskólinn byrjar á mánudaginn og hvet ég alla sem eiga við bakverki eða önnur stoðkerfiseinkenni frá baki að hafa samband og skrá sig sem fyrst.

Æfingar með æfingabolta geta hjálpa til við mjóbaksverki

Í bakskólanum sem fer af stað núna 6. janúar þá eru uppblásnir æfingaboltar eitt af þeim tækjum sem stuðst er við til að styrkja djúpu kvið- og bakvöðva. Sjúkraþjálfarar byrjuðu að nota uppblásna æfingarbolta í kringum 1960 en síðasta áratug hafa þessir boltar orðið vinsælir til að styrkja djúpvöðva kviðs og baks með góðum árangri. Með auknum vinsældum hafa svo rannsóknir í kringum gæði boltana aukis.

Í einni rannsókn frá Nýja Sjálandi frá árinu 2006 og var birt í Journal of Manipulative and physiological Therapeutics voru skoðuð gæði æfingabolta í meðferð við mjóbaksverk. Í rannsókninni voru 20 þátttakendur teknir fyrir frá aldrinum 18-65 ára og voru þeir settir á 12 vikna meðferðar áætlun með æfingabolta.

Á meðan meðferðaáætlunin var í gangi svöruðu þátttakendur tveimur spurningalistum. Hinn fyrri var Oswestry spurningalistinn það sem þátttakandinn var látinn meta sína eigin virki og hversu mikil áhrif mjóbaksverkurinn hafði áhrif á lífsgæði hans. Seinni var að merkja mjóbakverkinn á VAS verkjakvarða. Yfir meðferðatíman þá lækkuðu bæði Oswestry kvarðinn(sem þýðir að virkni þátttakenda var að aukast og áhrif mjóbaksverks á daglegt líf minnkaði) og VAS verkjakvarðinn lækkaði(þátttakendur fundu ekki eins mikið fyrir mjóbaksverk). Mestu áhrif sáust fyrstu 8 vikurnar en seinustu 4 vikurnar sáust ekki eins mikil áhrif og töldu rannsakenndur að það gæti verið vegna þess að þjálfunaráhrifin voru orðinn minni. En 12 vikum eftir að rannsókninni lauk voru þátttakendur látnir fylla aftur út Oswestry spurningalistann og VAS verkjakvarðan og kom í ljós að þátttakendur teldur sig enn jafn góða og þegar þeir kláruðu meðferðaáætlunina þó að þeir hefðu ekki gert mikið til að viðhalda með áframhaldandi æfingum eftir að meðferðaáætluninni lauk.

Rannsakendur gerðu líka ráð fyrir því að úthald djúpu bakvöðvana hefði aukist með meðferðaáætluninni en ekki tókst að sýna fram á það með skýrum hætti af ýmsum ástæðum.

Rannsóknin sýndi að meðferðaáætlun sem inniheldur æfingabolta getur hjálpað mikið til við mjóbaksverki. Bæði til að bæta færni einstaklingana og eins til að draga úr verkjum og á það jafn við þá sem hafa verið með mjóbakverk í lengri tíma og styttri. Í rannsókninni höfðu þátttakendur verið með mjóbaksverk í 4.8 ár að meðaltali og allir náðu framförum á meðan meðferðaáætluninn var í gangi.

Bakskólinn getur því reynst mjög vel fyrir þá sem eiga við langvinna verki í mjóbaki og fer hann af stað aftur eftir jólafrí þann 6. janúar og því um að gera að fara skrá sig.

Helgi Pálsson
Sjúkraþjálfari

Heimild: Journal of Manipulative and Physiological Therapeutics Volume 29, Issue 7, September 2006, Pages 550–560, Paul W.M. Marshall, PG Dip Sci,a and Bernadette A. Murphy, PhD.

Bakskólinn byrjar 6 Janúar

Bakskólinn byrjar aftur 6 janúar á nýju ári og hefur hann flutt sig um set yfir í Árborg í Bolungarvík þar sem sjúkraþjálfunin í Bolungarvík hefur farið fram. Í þetta skiptið eru í boði 5 pláss og verður námskeiðið með svipuðu móti og fyrir áramót hvað varðar æfingar.

Breytingar verða að þessu sinni að til að byrja með verður fólk bókað í tíma hjá sjúkraþjálfara þar sem farið verður yfir sögu bakverkja og tveir spurningalistar fylltir út. Svo fara fram 10 tímar þar sem aðaláherslan verður á æfingar og fræðslu. Í lokinn verða einstaklingar aftur bókaðir í tíma hjá sjúkraþjálfara og fylla aftur út sömu spurningarlistann til að meta framfarir hjá einstaklingum á námskeiðinu. Þetta fyrirkomulag er til komið til að reyna bæta bakskólann enn meira.

Vegna fárra plása hvet ég alla til að skrá sig sem fyrst.

Helgi Pálsson
Sjúkraþjálfari

Gleðileg Jól og farsælt komandi ár

Sjúkraþjálfunin Heilsuefling óskar öllum gleðilegra jóla og farsældar á nýju ári.

Á nýju ári er von á nýju námskeiði í bakskólanum og verður það með breyttu fyrirkomulagi. Áfram verður í boði 12 tímar á 4 vikum en breytinging felur í sér að í fyrsta tíma verða þeir sem eru skráðir í námskeiðið boðaðir í viðtal hjá sjúkraþjálfara þar sem farið verður yfir sögu bakverkja hjá einstaklingunum og af því loknu fylla þeir út tvo spurningarlista tengda bakverkjum. Því næst fara fram 10 tíma þar sem kvið og bakæfingar eru gerða til að styrkja djúpvöðva baks og kviðs til að draga úr verkjum og auka færni. Af þeim 10 tímum loknum verður hver og einn boðaður aftur í viðtala þar sem farið er yfir námskeiðið og spurningalistarnir sem voru fylltir út í byrjun verða fylti út aftur til að meta framfarir á námskeiðinu.

Þessi breyting er gerð til að reyna gera námskeiðið markvissara og þannig að hægt verði að meta betur hver árangurinn af því er.

Helgi Pálsson
Sjúkraþjálfari

Seinasti tími Íþróttaskóla UMFB.

Í morgun lauk seinasta tímanum í Íþróttaskóla UMFB þetta haustið. Þessi seinasti tími var frjáls fyrir krakkana. Sett var upp lítil braut á öðrum vallarhelmingi íþróttahúsins og á hinum helmingnum var hægt að fara í badmínton, fótbolta, körfubolta og ýmsar aðrar boltaíþróttir ásamt því að þarna voru litlar stultur og stórir gúmmíboltar fyrir krakkana til að leika sér með. Tíminn heppnaði vel og skemmtu allir krakkarnir sér vel.

Í lok tímans fengu svo allir krakkarnir viðurkenningu og verðlaun fyrir að hafa verið svona dugleg að mæta í íþróttaskólann núna fyrir áramót.

Á myndinni er viðurkenningarskjalið sem krakkarnir fengu ásamt verðlaunum sem voru sleikjó og mandarína.

Fyrstu vikunni lokið í bakskólanum og fjórðu í íþróttaskóla UMFB

Núna er fyrsta vikan búin í bakskólanum og hefur hún gengið nokkuð vel. Þrír af fjórum sem voru skráðir í bakskólann hafa mætt en þess bera að geta að einungis voru 6 pláss í boði. Í fyrstu vikunni var farið yfir léttar æfingar á dýnu, æfingabolta og svínahrygg ásamt farið í ýmsar teygju- og liðkunaræfingar fyrir bakið.

Þess má nú geta að ég mun bjóða upp á bakskólann svo lengi sem aðsókn er í hann, en nú þegar er búið að sækjast eftir tveimur af þeim 6 sætum sem eru í boðið fyrir næsta námskeið. En ef fólk hefur áhuga á að mæta á næsta námskeið þá getur það nú þegar haft samband og pantað pláss. 

Af Íþróttaskólanum er að frétta að rosaleg góð mæting hefur verið í hann síðan hann fór af stað. Í fyrsta tímanum voru krakkarnir um 20 talsins en sú tala tvöfaldaðist í öðrum tímanum, en þá voru yfir 40 krakkar sem mættu og hefur mætinginn verið á bilinu 35-40 síðan þá. Að loknum tímanum hafa svo krakkarnir hjálpað til við að taka saman og þau hafa verið rosalega dugleg við það og eiga hrós skilið. Eftir eru 6 tímar af þessari önn og munum við sem sjáum um þetta reyna gera enn betur og vonandi sjáum við enn fleiri krakka mæta.

Að lokum langaði mig að spyrja ykkur sem lesið þetta hvaða námskeið/þjónustu sem tengjast heilsu og hreyfingu finnst ykkur finnst vanta í Bolungarvík og í bæjarfélögunum í kring sem hægt væri að bjóða uppá hérna í Bolungarvík?